आला आला उन्हाळा,
तब्बेतीला सांभाळा,
पाणी प्या भरपूर,
उन्हात जाणे टाळा....
लिंबू,चिंच,कोकम शरबत,
अन् पन्हं प्या कैरीचे,
झळ लागेल तुम्हा,
चटके झेलू नका ऊन्हाचे,..
करा डोळ्यांचे रक्षण,
रुमालाचा करा वापर,
घर ठेवा थंड तुम्ही ,
वाळ्याचा करा वापर...
रसदार फळांचे सेवन,
हलके फुलके करा जेवण,
शिळे अन्न खाऊ नका,
आरोग्याचे करा जतन...
उष्माघात होईल जेव्हा,
भिती असेल कोमाची,
आपल्या प्रमाणेच घ्यावी,
काळजी जनावरांची,
रक्तातील पाणी घटू नये,
पाणी प्यावे भरपुर,
काळजी घ्यावी सर्वांनी,
संपेल जीवन नाहीतर....
सौ.जया नेरे..
नवापुर जि.नंदुरबार
(आनंद झुला या माझ्या बालकाव्यसंग्रहातून)
No comments:
Post a Comment