कविता- आयुष्याचे पुस्तक

जागतिक पुस्तकदिना निमित्त -
आयुष्याचे पुस्तक

आयुष्याचे पुस्तक
वाटले मज कठीण
अक्षरांच्या गुंतेची
जर घट्ट होती वीण

एक एक पानांचा
सरकत होता दिन
वर्ष वर्ष संपे तरी
संपत नव्हता शीण

दुःखाची आकडेवारी
दिवसेंदिवस वाढली
गोळाबेरीज करतांना
सारी बाकीच काढली

अधिक उणे करण्यात
बसत नव्हता ताळा
महागाईमुळे खर्चावर
कसा बसेल आळा?

आयुष्याच्या पुस्तकाची
संपत आली पाने
संपले नाहीत अजुनही
सुखदुःखाचे गाणे

सौ.जया नेरे