तुझे बोट धरून
पहिले पाऊल टाकले
बाबा तुझ्या कडून मी
मधाचे बोट चाखले
तुझ्या डोळ्यानीच मी
जग सारे पाहिले
माझ्या सुखासाठी बाबा
जीवन स्वतःचे वाहिले
उपडा होऊन माझ्या साठी
व्हायचासं तू घोडा
कधी पडायचासं तर
कधी रडायचास थोडा
चोकोबार,आईस्क्रीम,
आणायचास घरी
फिरायला न्यायचासं
थकत असला तरी
सांग ना बाबा मी पण
कधी होईन बाबा
तेव्हा मी ही आणीन
तुला खाऊचा डबा
तुझी आणि माझी
अशीच राहिल ना दोस्ती
शेवट पर्यंत आपण दोघं
करू या खूप मस्ती
सौ.जया नेरे
No comments:
Post a Comment