27 अॉक्टोबर 2019
पेटवू या सर्वांनी आपुल्या दारी
एक पणती व्यसनमुक्तीची
सुख समृध्दी हासत येईल
आपुल्या घरी
एक पणती व्यसनमुक्तीची
होऊ नकोस रे खुळा
का करशी तू
जीवनाची होळी
एक पणती व्यसनमुक्तीची
लावून करशील ना
यंदाची दिवाळी
भर जीवनी आनंद
नको व्यसनांचा छंद
आयुष्य आहे किती कमी
कुठे आहे जगण्याची हमी
मनुष्य जन्म मिळणे कठीण
का करतोस अशी वाताहात
मिणमिणत्या पणतीला
देवून बघ आधाराचा हात
संसार रूपी सुंदर बागेचा
आहेस तू माळी
लेकरांसह स्वतः फुलण्यासाठी तरी
सुखी जीवनाची ऐक ना
एकदा आरोळी
तुझ्या दारी नांदावी समृध्दी
प्रगतीत तुझ्या व्हावी वृद्धी
म्हणून तरी एक पणती
व्यसनमुक्तीची लावून
करशील ना
यंदाची दिवाळी
तुझे मित्र तुला म्हणणार
नाहीत कधी
सोड तू दारू,तंबाखू
अन् बीडी
पण वेड्या समजदार
असून ही का लावतोय
आपल्या संसाराला
जाळणारी काडी
मन घट्ट कर
बायको,मुलांच्या प्रतिमा
डोळ्यासमोर धर
दिसू दे कुंकूम तिलक
तिच्या भाळी
केविलवाण्या चेहऱ्यांकडे
पाहून तरी
एक पणती व्यसनमुक्तीची
लावून करशील ना
यंदाची दिवाळी...
सौ.जया नेरे
नवापूर जि.नंदुरबार
9423918363