कविता- शंभूराजे

शंभूराजे

असे दणकट पिळदार शरीर
रूप त्यांचे देखणे रूबाबदार
शिवबाचा असे वीर पूत्र....हो जी

१४ मे १६५७ साली
गर्दी पुरंदर किल्ल्यावर दिसली
सईच्या उदरी राजबिंडा जन्मला...हो जी

होते शंभू तयाचे नाव
गोळा झाला तिथे सारा गाव
झाले कौतुक सा-यांना हो...जी

राही शिवरायांच्या सोबती
पाहिली डोळ्यांनी राजनिती
जाणली सारीच युद्धनिती हो...जी

बालपणीच मातृविना झाला पोरका
दाटला सर्वांना हुंदका
केली दुधाची उधारी हो...जी

केला जिजाऊंनी संस्कार
घडविला शिवबा परी शंभू बाळ
जुळवली स्वराज्याची नाळ हो...जी

शंभूराजे होते साहित्यिक
साहित्याचे त्यांना भारी कौतिक
संस्कृत भाषेचे उत्तम जाणकार हो...जी

अनेक ग्रंथांचे केले लेखन
कैक भाषांची होती जाण
विद्याविशारदचा होता बहुमान हो...जी

स्वभावाने होता निर्मळ
बसली स्वकियांच्या फितूरीची झळ
शत्रूने साधला त्यांच्यावर डाव हो....जी

रणागणांत होता शेर
जरब होती त्याची सर्वदूर
नाव ऐकताच शत्रू कापे थरथर

असा कुशलयोद्धा,परक्रमी राजा
अजेय वीर,छावा,धर्मवीर हो...जी
नमन स्वराज्यरक्षणकर्त्याला हो..जी

सौ.जया नेरे
नवापूर