कविता -अवकाळी

अवकाळी

माझ्या आयुष्यात तुझे असे
अवकाळी येणे
उध्वस्त करून गेले
माझे सारे जीणे
तुझ्या येण्यापूर्वी दरवळणारा
मन धुंद करणारा तो सुगंध
वा-याची मंद मंद झुळूक
यावेळी नव्हतचं काही
तुझ्या माझ्यात
तू यावा ही अंतरीक ओढ
कुठ कुठच दिसली नाही
तुझ्या प्रतिक्षेत
वाटेकडे लागणारे डोळे
तू येणार आहेस असे सुचक
चिन्ह दिसताच
तो मनाला होणारा हर्ष
नव्हत्या रे या वेळी
या भावना ही
उगाचच असते बघ तुझी घाई
अरे,तिला थोड तरी तरसू दे
मगच तुझ्या सरी तू तिच्यावर
बरसू दे
मग बघ ती कशी धुंद होते
तुझ्या प्रेमात चिंब होते

सौ.जया नेरे
नवापूर जि.नंदुरबार
9423918363