शिक्षक
कुठे ठाऊक होती त्याला
होळी आणि दिवाळी
नवनवीन आव्हानांची
झेलत होता गोळी
सर्व करत करत
होत होती दमछाक
गुणवत्ता आणि कागदपत्र
याने पाठीवर आले बाक
विद्यार्थी समोर येताच
विसरायचा सारे भान
त्यांच्या कडूनच मिळायचा
त्याला पूरेपुर मान
चिमण्या पाखरांचा
त्याला लागला होता लळा
म्हणूनच डोळ्यासमोर दिसायचा
विद्यार्थी आणि फळा
कोवळ्या जिवांची कुणी
बनवलीय प्रयोगशाळा
फुलू द्या ना आनंदाचा
फक्त येथे मळा
ताणतणावाखाली राहून
आरोग्य गुरूजींचे बिघडले
त्यात आता शिक्षणातही
राजकारण घडू लागले
योग्य तिथे योग्य त्याला
न्याय कुठे मिळतोय
स्वतःच्या नावासाठी
कित्तेकांच्या पाय पडतोय
बिघडलेली घडी आता
होईल कधी नीट
मिळेल का कुठे अशी
लावायला याला तीट
आर्त हाक शिक्षकाची
ऐकेल ना प्रशासन
की फक्त त्याच्यासाठी
असेल फक्त शासन....
आणि फक्त शासन....
No comments:
Post a Comment