आले आले बघा
ढग पावसाळी
पाण्याने भरण्या
नदी,नाले,तळी
काळ्याभोर रंगाचा
घालून सदरा
धावतो पळतो
येतो जेव्हा धरा
जेव्हा जेव्हा त्याचा
डाव सुरू होतो
क्षणात सूर्याचे
डोळे तो झाकतो
जमलीत सारी
कराया विचार
कुठे जायचे कसे
सांगा सांगा लवकर
पाण्याच्या घागरी
निघाले घेऊन
एकेका घागरीने
केले अंगणी शिंपण
रिमझिम सरींनी
झाले अंगण ओले
ये रे ये रे पावसा हे
गाणे सुरू झाले
सौ.जया नेरे
No comments:
Post a Comment