माय मराठी
माझ्या मराठी मातीत
शब्द पिक अंकुरते
रानोमाळी ती फुलते
रास शब्दांची भरते...
कधी बोलते वृत्तात
कधी अंलकारी होते
ओव्या भारुडे मांडते
किर्ती अभंगात गाते...
घेते निसर्ग कुशीत
पान,फुलांशी बोलते
शब्द सरीत भिजते
प्रेम सागरी डुंबते...
वाणी तुकोबांची होते
वेद ज्ञानाचे वदते
भाव मनीचे खोलते
अंतराचे दुःख नेते...
गोडी मराठी मायेची
माणूसकी ही जपते
वाट प्रेमाची दाविते
मान मराठीस देते.....
सौ.जया नेरे
नवापूर जि.नंदुरबार
No comments:
Post a Comment