कडाक्याची थंडी
जंगलात पडली कडाक्याची थंडी
कोल्होबाने घातली लोकरी बंडी
कोल्होबाने घातली लोकरी बंडी
वाघोबाने ओढली कश्मिरी शाल
माकडाचे तर झाले पुरते हाल
माकडाचे तर झाले पुरते हाल
मोराने सप्तरंगी ओढली रजई
बगळ्याने कापसाची घेतली दुलई
बगळ्याने कापसाची घेतली दुलई
हत्तीने घातला काळाकुट्ट कोट
सश्याचे तर सगळे फुटले ओठ
सश्याचे तर सगळे फुटले ओठ
जंगलाचा कारभार करणार कसा?
थंडीत प्रत्येकाचा बसला होता घसा
थंडीत प्रत्येकाचा बसला होता घसा
शेकोटीभोवती सारे बसले येवून
तिथेच सभेचे विषय टाकले घेवून
तिथेच सभेचे विषय टाकले घेवून
थंडी जाण्याची पाहू लागले वाट
जाणार कधी ही हुडहुडीची लाट
जाणार कधी ही हुडहुडीची लाट
No comments:
Post a Comment