दिव्यमराठीत प्रकाशित बालरचना-
बालगीत
पक्ष्यांची शाळा
वडाच्या पारावर भरली पक्ष्यांची शाळा
कोंबडा आरवताच सारे झाले तिथे गोळा
आठवड्याच्या तासिकांनी भरला मग फळा
लागला पाहिजे सगळ्यांनाच शाळेचा लळा
सारेच ओरडले गुरुजींना रविवार तरी टाळा
नाहीतर येईल बघा सा-यांनाच कंटाळा
शाळेचे नियम सर्वांनी आठवणीने पाळा
चुकणार नाही कधीही अभ्यासाचा ताळा
चिऊताईने राजासाठी आणली फुलांची माळा
मोराला मग माळ घालण्या आला कबुतर भोळा
प्रार्थना म्हटली कोकीळेने काढून सुंदर गळा
गोष्ट सांगण्या उभा राहिला मधोमध कावळा
शाळेत येण्या पक्ष्यांचा मग जमला गोतावळा
गाणी गोष्टी सारेच झाले सुटली आता शाळा
सौ.जया नेरे
9423918363
No comments:
Post a Comment