कविता-फटाकेमुक्त दिवाळी

फटाके मुक्त दिवाळी

फटाके मुक्त दिवाळीचे
नाही आम्हास देणं घेणं
कुठ समजतयं हो आम्हाला
धूर प्रदुषणाचं असणं.....

बालके आहोत आम्ही
राहू द्या आम्हास स्वच्छंद
जिथे मनास मिळतो आनंद
तिथेच असतो कायम बंद....

असते कशी दिवाळी?
कुठ कळतयं आम्हाला
नव्या कपड्यांची तर
सवयच नाही हो या जिवाला....

उटणं तेल तर जावूच द्या
इथे साबणही नसतो
जमवतो गोडधोड कुठून तरी
औक्षण तिलक तर दूरच असतो

कच-याच्या ढिगा-यात शोधतोय
अर्धवट जळलेल्या फटाक्यांना
तेच पेटविण्यात मिळवितो आनंद
हळूच पूसतोय आपल्या अश्रूंना

सौ.जया नेरे
नवापुर जि.नंदुरबार