रोज रात्री स्वप्नामध्ये
येते माझ्या घरी
पांढऱ्या शुभ्र रंगाची ही
कोण आहे बरी?
इवले इवले पंख तिचे
दिसतात किती छान
इकडून तिकडे उडतांना
हरवते तिचे भान
पान फुलांशी खेळायला
ती रोज येते बागेत
मऊ मऊ गालीच्यावर
खेळत असते मजेत
हातात असते तिच्या
जादूची एक छडी
लहान मुलांची आहे
तिला फार गोडी
आहे कोण ही खरी?
राहते चांदोबाच्या घरी
सुंदर सुंदर दिसणारी
अरे ! ही तर आपली सोन परी
सौ.जया नेरे
नवापूर जि.नंदुरबार
9423918363
No comments:
Post a Comment