साधी होती राहणी
होते उच्च विचार
अशिक्षित होते जरी
केला शिक्षणाचा प्रचार
समाज सुधारणेचे व्रत
बाळगले नित्य मनी
वैज्ञानिक दृष्टीचे बीज
पेरले ज्यांनी जीवनी
हाती खराटा घेऊन
स्वच्छ केले जग सारे
अंधश्रध्दा निर्मुलनाचे
वाही किर्तनात वारे
देवकीनंदन गोपालाची
चाले धुन जागोजागी
पशुहत्येचा विरोधी
असा हा महान जोगी
संसाराचा केला त्याग
चित्त लागे ना सदनी
गोरगरिबांच्या सेवेचे
तेज पसरलेय वदनी
अनाथालय न् धर्मशाळातील
मनामनांचा आधार झाला
सखुबाईंच्या उदरी असा हा
तेजोःपुंज पुत्र जन्मला
असा संत होऊन गेला
जगी सत्कर्म ठेवून
मानवतेचा मंत्र खरा हा
गेला जनमाणसात देवून
✍🏻सौ.जया नेरे
